3 ივლისს, როცა დედაქალაქის მთავარ გამზირზე ყველაზე მასშტაბური აქციაა დაანონსებული, დედაქალაქის მერი, მოსახლეობას სამგორის რაიონში საკონცერტო საღამოებზე ეპატიჟება. 

 კახა კალაძის თქმით, მუსიკალური პროექტი თბილისის ცის ქვეშ გრძელდება - კონცერტები ამჯერად სამგორის რაიონში, 2 და 3 ივლისს გაიმართება.

პროექტის ფარგლებში, ესტრადის წარმომადგენლებს ვაძლევთ შესაძლებლობას, რომ დედაქალაქის სხვადასხვა რაიონში კონცერტები გამართონ. პროექტი გრძელდება და ამჯერად, სამგორის რაიონს ვეწვევით, სადაც 2 და 3 ივლისს, დედაქალაქის მერია საკონცერტო საღამოებზე გეპატიჟებათ. 

თქვენს განწყობაზე საესტრადო შემსრულებლები და მუსიკალური ბენდები იზრუნებენ- ამბობს კალაძე.

მისი თქმით, კონცერტები აფრიკის დასახლებაში, გუმათჰესის სკვერში, 19:00 საათზე გაიმართება. დასწრება კი თავისუფალია.