უმრავლესობის დეპუტატი, ბექა ოდიშარია, რომელიც ,,ტვ პირველის" დამფუძნებელზე განხორციელებულ ძალადობის ერთ-ერთი მოწმეა, ადასტურებს, რომ ანრი ოხანაშვილის მხრიდან ფიზიკურ დაპირისპირებას ადგილი ჰქონდა.

გასასვლელისკენ რამდენიმე კოლკეგა ერთმანეთის მიუყოლებით მივდიოდით, რა დროსაც გამოჩნდა საოცრად აღელვებული ანრი ოხანაშვილი, რომელსაც 6 წელიწადია, ვიცნობ და მსგავსი არაფერი მინახია, ფერი არ ედო სახეზე, რომელმაც ისაუბრა იმ უმძიმესი შეურაცხყოფის შესახებ, რომელიც მას მიაყენეს. სამწუხაროდ, შეხლა-შემოხლა ვერ ავირიდეთ. ადამიანები ვცდილობდით, ეს განგვემუხტა, ამას ადასტურებს თავად ვატო წერეთელიც და მისი თანმხლები ქალბატონი კოლეგა. 

ჩემს ცხოვრებაში სკოლის ასაკშიც არ მიმიღია სხვა 3 კაცთან ერთად ერთი კაცის მიმართ ანგარიშსწორებაში მონაწილეობა. ახლა მით უმეტეს, პარლამენტის წევრი ვარ! - განაცხადა ბექა ოდიშარიამ.

ინციდენტი ამერიკის საელჩოში -  გუშინ ,,ტვ პირველის" დამფუძნებელზე, ვატო წერეთელზე,  საპარლამენტო უმრავლესობის ერთ-ერთმა ლიდერმა, ანრი ოხანაშვილმა, ფიზიკურად იძალადა.