ქართული მედიის დამსახურებაა, ბიძინა ივანიშვილი  ევროპარლამენტის რეზოლუციაში რომ ჩაწერეს - ამის შესახებ "მთავარი არხის" დამფუძნებელმა, პატიმრობაში მყოფმა, ნიკა გვარაიამ ინგა გრიგოლიასთვის მიცემულ ექსკლუზიურ ინტერვიუში განაცხადა. 

გვარამია თვლის, რომ "მედიამ ეს ომი მოიგო".

ის გამანადგურებელი გადაწყვეტილებები, რომელიც "ქართულ ოცნებასთან" დაკავშირებით (ევროპარლამენტში) მიიღეს... დიდი ბოდიში, მაგრამ ჩვენ, მედიას მეტი არაფერი შეგვიძლია. ეს მოგებული ომია, მაგრამ სხვა ტიპის ომებს საზოგადოება იგებს. 

ბევრჯერ მითქვამს, თავის დროზე, გამარჯვებული ხალხის ტელევიზიად რომ გამოცხადდა "რუსთავი 2" ,ეს არის არასწორი. მედია ხელისუფლებას ვერ ცვლის, იგი აჩვენებს საზოგადოებას და ცივილიზებულ სამყაროს, რა ხდება რეალურად. საზოგადოებაც ხედავს და მსოფლიოც, ასე რომ ,ჩვენ ჩვენი მისია შესრულებული გვაქვს. არის რაღაცები, რასაც ჩვენი ძალებით ვერ გავაკეთებთ და სხვისი შესასრლებელია"- განაცხადა გვარამიამ.