„მოსახლეობის 90 % არის ევროპისკენ,  ივანიშვილი, თავისი ხროვით - რუსეთისკენ, რაც იმას ნიშნავს, რომ „ოცნების“ კურსი აბსოლუტურ წინააღმდეგობაში მოდის ქართველი ხალხის კანონიერ მოთხოვნებთან!“  - ამის შესახებ განცხადებას დეპუტატი კახა ოქრიაშვილი ავრცელებს.

ოქრიაშვილი აბობს, რომ „ოცნება“ საქართველოს ყველა სტრატეგიულ პარტნიორთან პოლარიზაციას ამწვავებს, მაშინ, როდესაც პუტინის რუსეთთან ამის არავითარი ნიშანი არ შეინიშნება.

დეპუტატი ხელისუფლებას რუსეთთან ალისნმში ადანაშაულებს. 

ივანიშვილი და მისი „ღალატის ოცნება“ მთელ მსოფლიოსთან პოლარიზებულ მდგომარეობაში იმყოფებიან, რასაც ადასტურებს ამერიკის შეერთებული შტატების სახელმწიფო დეპარტამენტის განცხადება, ევროკავშირის ელჩ ჰარცელზე, ანუ თავად ევროკავშირზე თავდასხმა, ოპოზიციაზე, უკრაინის ხელისუფლებაზე, ბალტიისპირეთის ქვეყნებზე თავდასხმები. „ოცნება“ ნერგავს და ამწვავებს პოლარიზაციას ჩვენს ყველა სტრატეგიულ პარტნიორთან. სამაგიეროდ, პოლარიზაციის არავითარი ნიშანი არ არის გარეთ პუტინის რუსეთთან და შიგნით ელისაშვილ-მეგრელიშვილის ვითომ პარტიებად წოდებულ „ოცნების“ დანამატებთან.  

ფაქტია, რომ ივანიშვილი ასრულებს ჩვენი მტრის, რუსეთის დავალებებს იმ ფონზე, როცა ჩვენი მოსახლეობის 90 %-ს სურს, ქვეყნის 
30-წლიანი ბრძოლა ევროკავშირში შესასვლელად საქართველოს გამარჯვებით დასრულდეს. მოსახლეობის 90 % არის ევროპისკენ,  ივანიშვილი, თავისი ხროვით - რუსეთისკენ. ეს არის დღევანდელი მოცემულობა, რაც იმას ნიშნავს, რომ „ოცნების“ კურსი აბსოლუტურ წინააღმდეგობაში მოდის ქართველი ხალხის კანონიერ მოთხოვნებთან!  

„ოცნებამ“ დაკარგა ბმა საქართველოს მოსახლეობასთან და ის  კანონგარეშე,  არალეგიტიმური ხელისუფლებაა.  ჩვენ, ყველამ ერთად, უნდა გამოვიჩინოთ სიმტკიცე და წინდახედულობა, რომ ივანიშვილის „ღალატის პარტია“ ყოველგვარი არეულობის გარეშე გავუშვათ უკანონოდ მიტაცებული ხელისუფლებიდან. 

როგორ უნდა გავაკეთოთ ეს ?! ყველაფერი ქართველი ხალხის ხელშია და ჩვენ ამას მივაღწევთ!" - ნათქვამია ოქრიაშვილის მიერ გავრცელებულ განცხადებაში.