საქართველო-რუსეთის საზღვართან სამხედრო კომისარიატის მობილური პუნქტი ფაქტობრივად არ ფუნქციონირებს.

საქართველოში გამოქცული რუსეთი მოქალაქეები ,,პირველებთან" ამბობენ, რომ საზღვარი თავისუფლად გადმოლახეს და შემოსვლაზე უარი არ მიუღიათ.

,,პირველების" ინფორმაციით, დღეს შედარებით საქართველო-რუსეთის საზღვარზე სტაბილური მდგომარეობაა რუსეთიდან ძირითადად ავტომობილებით გადმოდიან, ფეხით გადმომსვლელთა რიხვმა კი მნიშვნელოვნად იკლო.

საქართველოში შემოსვლის მსურველების უმეტესობა აცხადებს, რომ სამხედროები გზაში დგანან, თუმცა რაიმე ქმედებას არ ახორციელებენ.

6 დღეა, საცობში ვდგავართ. საქართველოში დასასვენებლად ჩამოვედით, საზღვარზე უპრობლემოდ შემოგვიშვეს, დიდი რიგებია. სამხედრო კომისარიატი არ შეგვინიშნავს. 

გზაზე დგანან სამხედრო მანქანები, მაგრამ მათი მხრიდან რამე მოქმედება არ შეგვინიშნავს, რომ ვინმე ომში წაეყვანათ - ამბობს საქართველოში ჩამოსული რუსი წყვილი.