კონსპირაციული მოლაპარაკებები ამერიკიდან „ოცნებაზე“ იერიშის მისატანად, თუ შეხვედრა უნივერსიტეტის გახსნის ამბავზე? 

ერთმა ფოტომ  „ქართული ოცნება“ დღეს სკანდალში გახვია. მმართველმა გუნდმა ფაქტობრივად აღიარა, რომ ამერიკელ დიპლომატებს არა მხოლოდ საქართველოში, არამედ სხვა ქვეყნებშიც უთვალთვალებს.  

ჯერ სამთავრობო მედიის საშუალებით,  დავით კეზერაშვილისა და ამერიკელი დიპლომატის კურტ ვოლკერის შეხვედრის ამსახველი ფოტო გასაჯაროვდა, მალევე კი  „ოცნებამ“ თავდაცვის ექს მინისტრი და ვოლკერი ხელისუფლების წინააღმდეგ შეთქმულებაში დაადანაშაულა.