უკრაინელების გადასარჩენად - აშშ უკრაინის ელექტროსისტემისთვის $53 მილიონი გამოყო
აშშ-ის დახმარება უკრაინას - ამერიკის შეერთებულმა შტატებმა ომში მყოფი ქვეყნის ელექტროგადამცემი ქსელის აღჭურვილობის შესაძენად $53 მილიონი გამოყო. დახმარება მას შემდეგ გახდა საჭირო, რაც რუსეთმა ენერგეტიკული ინფრასტრუქტურა დააზიანა და მილიონობით ადამიანი გათბობის გარეშე დატოვა.
"ეს აღჭურვილობა სასწრაფოდ გადაეცემა უკრაინას, რათა დაეხმაროს უკრაინელებს ზამთარში გადარჩენისთვის", - ნათქვამია სახელმწიფო დეპარტამენტის განცხადებაში.
