საქართველოში უკრაინის საელჩოს დროებითი წარმომადგენლის, ანდრეი კასიანოვის განცხადებით, მიხეილ სააკაშვილის საკითხს დღეს საქართველოს საგარეო საქმეთა სამინისტროს შეხვედრაზე დააყენებს. 

კასიანოვი ამბობს, რომ უკრაინა საკუთარი მოქალაქეებუს დასაცავად ყველაფერს გააკეთებს. 

პირადად მე არაერთი შეხვედრა გავმართე სამედიცინო ცენტრ „ემპათიის“ ხელმძღვანელობასთან, ასევე სააკაშვილის ადვოკატებთან. 2022 წლის 2 დეკემბერს მიხეილ სააკაშვილს ეწვია საელჩოს საკონსულო თანამდებობის პირი, რის შესახებაც ოპერატიულად ვაცნობეთ უკრაინის საგარეო საქმეთა ხელმძღვანელობას. ამ საკითხს დღეს საქართველოს საგარეო საქმეთა სამინისტროში გამართულ სამუშაო შეხვედრაზე პირადად მე დავაყენებ. მინდა, ხაზგასმით აღვნიშნო, რომ უკრაინული მხარე გააგრძელებს ყველა საკონსულო და სამართლებრივი ზომის მიღებას უკრაინის მოქალაქეების, მათ შორის მიხეილ სააკაშვილის კანონიერი უფლებებისა და ინტერესების დასაცავად"- თქვა დიპლომატმა