სააკაშვილის საკითხზე იუსტიციის მინიტრს ახსნა-განმარტებების მიცემა 15 ქვეყნის ელჩისთვის მოუწია
სააკაშვილის სასამართლო პროცესამდე ერთი დღით ადრე იუსტიციის მინიტრს ახსნა-განმარტებების მიცემა ევროკავშირის წევრი ქვეყნების ელჩებისთვის მოუწია.
რატი ბრეგაძის უწყებასთან დღეს დიპლომატების ავტომობილების რიგი იდგა. 15 ელჩი მინისტრთან ერთი მისიით მივიდა - გაეგო, რას აპირებს ხელისუფლება იმ დროს, როდესაც მესამე პრეზიდენტი კლინიკაში უმძიმეს მდგომარეობაში იმყოფება.
ოფიციალური განცხადება ბრეგაძის უწყებას არ გაუკეთებია, თუმცა გერმანიის ელჩმა ,,პირველებთან" საუბრისას დადასტურა, რომ ერთადერთი საკითხი, რაზეც მინისტრთან ისაუბრეს - სააკაშვილია.
მიხეილ სააკაშვილი კი ხვალინდელ სასამართლო პროცესში მონაწილეობაზე უარს აცხადებს. პატიმარი პრეზიდენტი ვივა მედიდან აღარ ჩაერთვება.
ხვალ სასამართლომ კიდევ ერთი ამერიკელი ექსპერტი - ტოქსიკოლოგი დევიდ სმიტი და ასევე ორი ქართველი ექიმი უნდა გამოკითხოს.
ეს უნდა იყოს ბოლო სხდომა - ამის შემდეგ პროცესები უნდა შეწყდეს - ასეთია პრეზიდენტის ოჯახის პოზიცია.
ვრცლად იხილეთ სიუჟეტი
