ენმ-ს თავმდჯომარეობის კანდიდატმა ნონა მამულაშვილმა ლევან ხაბეიშვილს გამარჯვება მიულოცა, თუმცა იქვე აღნიშნა, რომ, რეალურად, პოლიტიკაზე ისევ არაფორმალურმა მმართველობამ და ფულმა გაიმარჯვა. 

ვულოცავ ლევანს გამარჯვებას!
დიდი მადლობა ყველას, ვინც მონაწილეობა მიიღო არჩევნებში და დიდი მადლობა მათ, ვინც მე დამიჭირა მხარი.
აუცილებლად უნდა აღვნიშნო, რომ არჩევნების შედეგები არ მაძლევს იმედის საფუძველს, რომ დაიწყება ისეთი პროცესი, რაც დღეს ჩვენს ქვეყანას სჭირდება. სამწუხაროდ, ეს  ჯერ კიდევ წინასაარჩევნო გარემომ აჩვენა...
ლევანს ბევრ წარმატებას ვუსურვებ, პრობლემა ახლა ის არ არის. პრობლემა ისაა, რომ დიდ სურათში - ფულმა და არაფორმალურმა გავლენებმა გაიმარჯვა პოლიტიკაზე. 
მინდა მჯეროდეს, რომ ის შედეგი არ დადგება, რაც როგორც წესი, ასეთ შემთხვევებში დგება ხოლმე, - წერს მამულაშვილი.