კახა კალაძის თქმით, რეაბილიტაციის გამო ვარკეთილის მეტრო 2 თვით დაიკეტება. სარემონტო სამუშაოები იქ ივნისი-აგვისტოს შუალედში მოხდება. წინასწარი ინფორმაციით, რეაბილიტაცია 18 თვის განმავლობაში უნდა დასრულდეს. 

კომპანია სამუშაოებს დაიწყებს 9 თებერვალს, რაც განხორციელდება ყველა დადგენილი ნორმებითა და სტანდარტებით.

სამუშაოების შესრულების ვადად განისაზღვრა 18 თვე. მომავალი წლის ზაფხულისთვის უნდა იყოს დასრულებული აღნიშნული პროექტი  - თქვა კახი კალაძემ. 

აღსანიშნავია, რომ  თბილისის მერიამ ვარკეთილის მეტროს რეაბილიტაციისთვის გამარტივებული წესით ხელშეკრულება „ქართული ოცნების“ შემომწირველის კომპანიას გაუფორმა.

2014 წელს  „ბადა ქონსტრაქშენის“ 100%-იანი წილის მფლობელმა, ბაჩანა ადამიამ, მმართველ პარტიას 60 ათასი ლარი გადაურიცხა.

მეტრო ვარკეთილის რემონტი მუნიციპალიტეტს დაახლოებით 14 მილიონი ლარი დაუჯდება.

ვარკეთილის მეტროს სარეაბილიტაციო სამუშაოები  დავით ნარმანიას პერიოდშიც განხორციელდა.