"ერთიანი ნაციონალური მოძრაობის" თავმჯდომარე პარტიის სამოქმედო გეგმას ასაჯაროებს - "ბრძოლა იქნება უკომპრომისო" - თქვა ლევან ხაბეიშვილმა საგანგებო ბრიფინგზე და ის ლოკაციები ჩამოთვალა, სადაც ხვალიდან საპროტესტო აქციები გაიმართება.

ამასთან ენმ-ს თავმჯდომარემ მოსახლეობას აქტიურობისკენ მოუწოდა და თქვა, რომ "საჭიროა მომზადება, ბრძოლა და მოქმედება".

მიხეილ სააკაშვილის გათავისუფლების მოთხოვნით აქციები გაიმართება: 

• 8 თებერვალი, 17:00 - აქცია თბილისში, იუსტიციის სამინისტროსთან;
• 9 თებერვალი, 13:00 - აქცია ხელვაჩაურში, სიღნაღში, მარნეულში, ზესტაფონსა და ბორჯომში; 
• 10 თებერვალი, 13:00 - აქცია ქობულეთში, მარტვილში, სამტრედიაში, საგარეჯოსა და ხაშურში;
• 11 თებერვალი, 15:00 - აქცია შეკვეთილში, ბიძინა ივანიშვილის სახლთან.