სალომე ზურაბიშვილმა "ქართული ოცნება" პრაქტიკულად რუსეთის მოკავშირედ გამოაცხადა და ფაქტობრივად სახელმწიფოს ღალატში დასდო ბრალი. საქართველოს პრეზიდენტმა მმართველ პარტიას ცოტა ხნის წინ ორბელიანების სასახლიდან  მიმართა.  

" ჩვენი დეფეტიზმი უნისონშია მხოლოდ და მხოლოდ რუსეთის ნარატივთან, ეხმიანება მხოლოდ რუსეთის პროპაგანდას. ამის არც ახსნა, არც გაგება შემიძლია და არც გაზიარება - ეს არის ციტატა ზურაბიშვილის უმწვავესი განცხადებიდან. 

საქართველოს პრეზიდენტისთვის ბოლო წვეთი, სავარაუდოდ, ირაკლი კობახიძის განცხადება აღმოჩნდა. "ქართული ოცნების" თავმჯდომარემ დღეს ერთი-ერთში გაიმეორა ის, რასაც რუსული პროპაგანდისტული მედიები ავრცელებენ.

"ომში წარმატება აქვს რუსეთს-"ამბობს კობახიძე, რომელმაც  ფაქტობრივად კრემლში დაწერილი გზავნილები გაახმოვანა.

ახალი და ძალიან მწვავე დაპირისპირება ზურაბიშვილსა და "ოცნებას" შორის - ნახეთ ლიკა ჯანყარაშვილის რეპორტაჟში.