უკრაინის საგარეო საქმეთა მინისტრის თქმით, საქართველოში ელჩის დანიშვნა ფინალურ ეტაპზეა, თუმცა როდის გააგზავნის უკრაინა მას საქართველოში, ეს უკვე პოლიტკური საკითხია.

კულება ასევე პირდაპირ და ხაზგასმით ამბობს, რომ საქართველოს ხელისუფლება ნელ-ნელა კლავს უკრაინის მოქალაქე მიხეილ სააკაშვილს.

ყველაფერს უნდა დავარქვათ თავისი სახელი. საქართველოს ხელისუფლება ნელ-ნელა კლავს უკრაინის მოქალაქე მიხეილ სააკაშვილს. მათ შეიძლება ნებისმიერი აზრი ჰქონდეთ სააკაშვილზე, როგორც პოლიტკოსზე, მაგრამ სააკაშვილი არის ჩემთვის, როგორც საგარეო საქმეთა მინისიტრისთვის,  პირველ რიგში უკრაინის მოქალაქე. მე ვიბრძოლებ მისი ინტერესებისთვის - ამბობს კულება.

უკრაინის საგარეო საქმეთა მინისტრია ასევე ამბობს, რომ უკრაინას თითი არ გაუნზრებია, რომ ურთიერთობა საქართველოსთან გაფუჭებულიყო, პირიქით, კულებას თქმით, უკრაინამ დიდი ინვესტირება ჩადო ამ ურთიერთობის შენარჩუნებაში.