"სტრატეგია აღმაშენებელის" ლიდერი გიორგი ვაშაძე ამბობს, რომ აგვისტოს ომზე პარლამენტში კომისიის შექმნა მხოლოდ ერთადერთ მიზანს ემსახურება, რომ ჰააგაში მარცხისთვის განწირული რუსეთის მხარისთვის საქმე შემოატრიალონ და პოზიტიური არგუმენტები შექმნან.

ჰააგამ თქვა, რომ ომი დაიწყო რუსეთმა. დღეს რომ მედვედევზე საქმე არ არის აღძრული ჰააგის სასამართლოში, ზუსტად ამ ადამიანების მუშაობის შედეგია. ქართულმა პროკურატურამაც რუსულ მხარეზე არ აღძრა საქმე და მხოლოდ და მხოლოდ გარდაცვლილ გენერალს შეატოვა საქმე ჰააგამაც. აი ეს არის დანაშაული საქართველოს ეროვნული ინტერესების წინააღმდეგ. რაც შეეხება ამ კომისიას, ერთადერთ მიზანს, რასაც ეს ემსახურება არის ის, რომ შემოატრიალონ ჰააგაში მარცხისთვის განწირული რუსეთის მხარისთვის და რამე პოზიტიური არგუმენტები შექმნას. მეტს ეს არაფერს არ ემსახურება", - ამბობს გიორგი ვაშაძე. 

პარლამენტმა, შესაძლოა, აგვისტოს ომის შესახებ საგამოძიებო კომისია შექმნას. ამ ინიციტივით დღეს ევროპელი სოციალისტების ჯგუფი გამოვიდა. ინიციატივა პრორუსული განცხადებებით ცნობილ ფრიდონ ინჯიას ეკუთვნის. თუმცა ირკვევა, რომ ინჯია მარტო არ არის და მის ამ ინიციტივას მხრდაჭერა "ქართული ოცნებისგანაც" ექნება.