ხმაური და დაპირისპირება ოზურგეთის საკრებულოში - ოპოზიციამ "ქართული ოცნების " რუსული კანონი გააპროტესტა.

"ნაციონალური მოძრაობის" წევრებმა "ოცნების" დეპუტატები რუსეთთან თანამშორომლობაში დაადანაშაულეს და სხდომათა დარბაზში რუსეთის ჰიმნი ჩართეს. ოპოზიციის პერფორმანს  საკრებულოში დაპირისპირება მოჰყვა.

"ეს არის საბჭოური, ნაფტალინისსუნიანი დარბაზი, სადაც არიან ჩვეულებრივი კომუნისტური წყობის ადამიანები. პერფომანსი გამომდინარეობდა იქედან, რომ ესენი არიან ჩვეულებრივად რუსეთის წარმომადგენლები, რომლებსაც ჩავურთე რუსული ჰიმნი, რადგან ეს არის მათი მშობლიური ჰიმნი. აქ არაფერი აღარ გვაკვირვებს დიდი ხანია და ერთადერთი, რამაც გამაკვირვა ის არის, რომ არ წამოდგნენ და ამ ჰიმნს გულზეხელდადებული არ შეხვდნენ. ჩემი პროტესტი მომდინარეობს იმ კანონიდა, რომელიც გულისხმობს ჩვენს ქვეყანაში რუსეთის დიქტატურის დამყარებას", -ამბობს ენმ-ს ოზურგეთის საკრებულოს დეპუტატი თათია ნიკოლაშვილი.