პარლამენტში, გიული შარტავას დარბაზში დეპუტატებს შორის სიტყვიერი დაპირისპირებაა. ოპოზიციის წარმომადგენელები, რომლებიც პარლამენტის სხდომაზე საგანგებოდ მივიდნენ, რუსული კანონის განხილვას ეწინააღმდეგებიან.

პარალალურად, დარბაზის გარეთ კი არასამთავრობოებსა და მანდატურის თანამშრომლებს შორის შეხლა-შემოხლაა.

ორი კომიტეტის გაერთიანებულ სხდომაზე, სადაც აღნიშნული კანონპროექტების განხილვა უნდა დაიწყოს, არასამთავრობო ორგანიზაციის წარმომადგენლებს და ჟურნალისტებს არ უშვებენ.