მიეცით მოქალაქეებს საშუალება, გამოხატონ პროტესტი - სენატორები "ოცნებას"
ქართული ოცნების მიერ რუსული კანონპროექტის მიღებას ამერიკელი სენატორები საგანგებო განცხადებით ეხმაურებიან.
რიში, შაჰინი, მენდესი, დურბინი და რიკეტსი პირდაპირ ამბობენ, რომ მოქალაქეების მშვიდობიანი პროტესტის გამოხატვა ნებისმიერ დემოკრატიაში უნდა იყოს დაცული.
"ქუჩაში გამოსული ქართველი ხალხი ნათლად ხედავს, რომ საქართველოს პარლამენტის ეს ნაბიჯი, ემუქრება არა მხოლოდ საქართველოს დამოუკიდებელ მედიას და სამოქალაქო საზოგადოებას, არამედ წარმოადგენს უზარმაზარ უკან გადადგმულ ნაბიჯს ქართული დემოკრატიისთვის. ეს კანონი, მხოლოდ დააშორებს საქართველოს იმ ტრანსატლანტიკურ საზოგადოებას, რომელშიც მას გაწევრიანება სურს. ჩვენ მოვუწოდებთ მთავრობას, გადახედოს ამ შემაშფოთებელ კანონმდებლობას, რათა თავიდან ავიცილოთ კიდევ ერთი მარცხი დემოკრატიულ ტრაექტორიაზე და იმუშაოს ქართველი ერისთვის უკეთესი მომავლის შესაქმნელად. მოვუწოდებთ საქართველოს ხელისუფლებას, საშუალება მისცეს მოქალაქეებს, გამოხატონ მშვიდობიანი პროტესტი - ეს არის ძირითადი უფლება, რომელიც ნებისმიერ დემოკრატიაში უნდა იყოს დაცული", - ნათქვამია განცხადებაში.
