დააბრუნებენ თუ არა მიხეილ სააკაშვილს ციხეში - "ოცნების" თავმჯდომარე ამბობს, რომ მესამე პრეზიდენტი თვითდაზიანებას იყენებს და ამაზე პასუხისმგებელი არის თავად დაპატიმრებული პრეზიდენტი და მის ოჯახი.

"თვითდაზიანებაზე პასუხისმგებელი არის რა თქმა უნდა, თავად პატიმარი. ეს ასეა მთელ მსოფლიოში, ნებისმიერ პენიტენციურ სისტემაში, აქედან გამომდინარე, საქართველოშიც გვაქვს ზუსტად იგივე ვითარება.რაც შეეხება სახელმწიფო სტრუქტურებს, ისინი არიან პასუხისმგებელი ზრუნვაზე, ისევე როგორც ნებისმიერი სხვა პატიმრის მიმართ, ეს არის საერთო სურათი. 

და ასევე ამ შემთხვევაში თვითდაზიანებაზე პასუხისმგებელი არის უშუალოდ პატიმრის ოჯახი, რომელსაც არასათანადო კალორაჟის საკვები შეაქვს პატიმართან. ეს არის გაუგონარი მოვლენა, ამაზე საზოგადოებამაც უნდა გაამახვილოს ყურადღება, ამაზე საერთაშორისო პარტნიორებმაც უნდა გაამახვილონ ყურადღება, რატომ ხდება ეს, რატომ ხდება თვითდაზიანება და რატომ არის ჩართული თვითდაზიანებაში ჩართული ოჯახი, რომელიც აბსოლუტურად გაუგონარ რამეს აკეთებს". - ამბობს კობახიძე.

შეგახსენებთ, რომ "ვივა მედმა"  მიხეილ სააკაშვილის სხვა კლინიკაში გადაყვანა მოითხოვა.

კლინიკამ განცხადება გუშინ გაავრცელა, სადაც წერს, რომ სააკაშვილი მკურნალობაზე უარს ამბობს და მედ პერსონალი იძულებით ვერავის უმკურნალებს.