,,პროგრესი და თავისუფლების" ლიდერი "ოცნების" რამდენიმე დეპუტატისთვის მანდატის შეწყვეტის საკითხს ეხმიანება და განმარტავს, რატომ არ მოხვდა აღნიშნულ სიაში დავით სერგეენკო. 

კახა ოქრიაშვილი წერს, რომ  "ქართული ოცნების" დრო ამოიწურა და უმრავლესობას ურჩევს, ისე მოიქცნენ, რომ ხელისუფლების შეცვლის შემდეგ ყველანი ტოტალურად ციხეში არ აღმოჩნდნენ. 

დღეს საქართველოს პარლამენტმა უფლებამოსილება შეუწყვიტა ე.წ. აგენტების რუსული კანონის მიღებასთან დაკავშირებით აჯანყებულ დეპუტატებს - ირაკლი კოვზანაძეს, გიორგი ხელაშვილს, ვლადიმერ ჩაჩიბაიას, ნინო იობაშვილს. ბიძინა ივანიშვილმა ისინი დასაჯა და გაყარა პარლამენტიდან! 

„აჯანყებულ დასჯილებს“ შორის არ არის ბატონი დავით სერგეენკო. რატომ?! იმიტომ, რომ ის საბურთალოს საარჩევნო ოლქის მაჟორიტარი დეპუტატია და მისი გაგდების შემთხვევაში, საბურთალოზე რიგგარეშე მაჟორიტარული არჩევნები დაინიშნება. ყველა კვლევა აჩვენებს, რომ საბურთალოზე, ისევე, როგორც მთელს საქართველოში, რიგგარეშე არჩევნების დანიშვნის შემთხვევაში, „ქართული ოცნება“ პირწმინდად დამარცხდება. სწორედ ამიტომ არ გააგდეს ბატონი სერგეენკო. ეს ნიშნავს, რომ „ოცნების“ დრო ამოიწურა.
 
ბატონებო, თქვენი დრო ამოწურულია და ისე მოიქეცით, რომ ხელისუფლების შეცვლის შემდეგ, ტოტალურად ყველანი ციხეში არ აღმოჩნდეთ! , - წერს ოქრიაშვილი.