ირაკლი ღარიბაშვილის მტკიცებით, რესპუბლიკური საავადმყოფოს არცერთი თანამშრომელი სამსახურისა და ხელფასის გარეშე არ დარჩება.

მთავრობის მეთაური ირწმუნება, რომ კლინიკის ირგვლივ არასწორი ინფორმაცია და მიზანმიმართული პროპაგანდა მიმდინარეობდა: 

"ძალიან მალე, რამდენიმე დღეში ბატონი ზურაბ აზარაშვილი წარმოადგენს ახალ ხედვას, პრეზენტაციას. არცერთი თანამშრომელი, რესპუბლიკური საავადმყოფოს თანამშრომელი არ დარჩება სამსახურის გარეშე. ძალიან ბევრი არასწორი ინფორმაცია ვრცელდებოდა ბოლო დღეების განმავლობაში, მიზანმიმართული ტყუილი, პროპაგანდა მიმდინარეობდა, რაც რა თქმა უნდა, არის სიცრუე, არცერთი თანამშრომელი არ დარჩება სამსახურის გარეშე და მათი ხელფასის გარეშე. გვაქვს ძალიან კარგი ხედვა, თუ როგორ უნდა განვითარდეს რესპუბლიკური საავადმყოფო, საუბარია იმავე ადგილას, და არა სხვა ადგილას, ახალი საავადმყოფოს მშენებლობაზე და რა თქმა უნდა შევინარჩუნებთ ყველა თანამშრომელს. არავითარი მღელვარების საფუძველი ჩვენ არ გვაქვს", - თქვა ღარიბაშვილმა.