რამდენიმე დღეა ვითხოვ კონსილიუმის შემოსვლას - სააკაშვილის მიმართვა ომბუდსმენს
მხეილ სააკაშვილის მიმართვა სახალხო დამცველს - საქართველოს მესამე პრეზიდენტი ლევან იოსელიანს სთხოვს, ხელი შეუწყოს ომბუდსმენის კონსილიუმის შესვლის პროცესს.
მიხეილ სააკაშვილის თქმით, მისი ჯანმრთელობის მდგომარეობა ისევ გაუარესდა.
"ბოლო დღეებში ჩემი ჯანმრთელობის მდგომარეობა ისევ გაუარესდა. როდესაც შევხვდი სახალხო დამცველს ლევან იოსელიანს შევთანხმდით, რომ მის ოფისთან არსებული უმაღლესი კვალიფიკაციის სპეციალისტებით დაკომპლექტებული კონსილიუმი გააგრძელებდა მუშაობას. უკვე რამდენიმე დღეა ვითხოვ კონსილიუმის შემოსვლას, რამდენადაც ვიცი ისინი მზად არიან.
ვთხოვ სახალხო დამცველს ხელი შეუწყოს ამ პროცესს,მით უფრო,იმ ფაქტის გათვალისწინებით რომ ევროკავშირის ექიმებს მთავრობა ჯიუტად არ უშვებს ქვეყანაში, ეს კონსილიუმი განსაკუთრებით მნიშვნელოვანია", - წერს მიხეილ სააკაშვილი.
