საქართველოს მესამე პრეზიდენტისთვის გადაცემული ჯილდოს გამო, საქართველოს საგარეო საქმეთა სამინისტროში ნორვეგიის ელჩის დაბარებას "ერთიანი ნაციონალური მოძრაობის" თავჯდომარე ლევან ხაბეიშვილი საგანგებო ბრიფინგით ეხმაურება.

მისი შეფასებით, არაადეკვატურია, როცა "ქართული ოცნება" ახნა-განმარტებას დიპლომატს სთხოვს. 

დღეს, ჩვენ ვნახეთ რუსული პარტიის, რუსული ოცნების არაადეკვატური დამოკიდებულება, რომელმაც ნორვეგიის ელჩი დაიბარა იმისათვის, რომ ახსნა-განმარტება გაეკეთებინა სააკაშვილისთვის ჯილდოს გადაცემის შესახებ და ეს ჯილდო არის დემოკრატიის განვითარებისთვის, რომელიც პრეზიდენტ სააკაშვილს გადაეცა. ის, რაც მათ იკადრეს სერიოზული სირცხვილია, როდესაც ნორვეგიის ელჩი ამის გამო დაიბარეს“, - განაცხადა ხაბეიშვილმა.

მისი თქმით,  ხელისუფლებამ "პირი უნდა გამოირეცხოს, ვიდრე სააკაშვილს ახსენებენ“.

როგორც ლევან ხებეიშვილმა აღნიშნა, ტრი-ტრი ღარიბაშვილი სააკაშვილზე არ უნდა საუბრობდეს: 

ჩვენ ვნახეთ, რომ ტრი-ტრი, ანტუნინ, ბერას საათამაშო ბავშვებს სკოლაში, რომ უვარდებოდათ და აშინებდა და მერე ამაზე საუბრობდა მისი ბატონის შვილთან ბერასთან, აი ეს კაცი საუბრობს სხვა ადამიანის, თურმე მკვლელობაზე და ასე შემდეგ ადამიანის უფლებების დარღვევაზე“ - განაცხადა ლევან ხაბეიშვილმა.

ცნობილია, რომ მიხეილ სააკაშვილს 25 მარტს, პრესტიჟული საერთაშორისო ჯილდო დემოკრატიისა და ადამიანის უფლებების განვითარებაში შეტანილი წვლილისთვის გადასცეს.