"ძალით მიიყვანეს ადამიანები შეხვედრაზე" - ვაშაძე "ოცნებას" კომუნისტურ პარტიას ადარებს
"ოცნების" ტურნეს რეგიონებში "სტრატეგია აღმაშენებლის" ლიდერი გიორგი ვაშაძე კომუნისტურ პარტიას ადარებს.
ვაშაძე ამბობს, რომ რეგიონებში ძალით მიიყვანეს ხალხი მმართველ გუნდთან შესახვედრად და როგორც 1989 წლის 9 აპრილის მერე კომუნისტურ პარტიას წაერთვა ხალხთან ურთიერთობის ბაზისი, ისე აქვს დღეს "ოცნებასაც" წართმეული.
რეგიონებში ხალხთან კი არ აკეთებენ შეხვედრას, ძალით მოყვანილ ადამიანებს უნდათ რომ ელაპარაკონ. როგორც კომუნისტურ პარტიას 1989 წლის 9 აპრილის მერე, ეროვნული მოძრაობის მეცადინეობით, წაერთვა მორალური ბაზისი ხალხთან ურთიერთობის, ასე აქვს მორალური ბაზისი გამოცლილი რუსეთთან დაკავშირებულ "ქართულ ოცნებას" დღეს." - ამბობს ვაშაძე.
"ქართული ოცნების" რეგიონული ტურნე - ბათუმში, პარტაქტივთან შესახვედრად მმართველი გუნდის სრული შემადგენლობა ჩავიდა.
"ოცნების" ლიდერების თქმით, შეხვედრის მთავარი მიზანი პარტიის გაფართოება და გაძლიერებაა.
ირაკლი კობახიძე ამბობს, რომ მსგავსი სახის 73 კონფერენცია საქართველოს ყველა რეგიონში გაიმართება.
