მიხეილ სააკაშვილი წონის მეტი კლების შედეგად საწოლზე მიჯაჭვული გახდება - სახალხო დამცველის  კონსილიუმი უმძიმეს დასკვნას აქვეყნებს. 19 თებერვლის შემდეგ სააკაშვილს კიდევ 4 კილო აქვს დაკლებული, რაც კუნთების განლევის ხარჯზე მოხდა. 

"სარკოპენია", "კახექსიის" მძიმე, მე-4 სტადია, გონებრივი ფუნქციების მნიშვნელოვანი დაქვეითება, დეპრესია - ეს არის დაავადებების ის ჩამონათვალი, რომელმაც შესაძლოა, ლეტალური შედეგი გამოიღოს.

თუ წონაში კლების  პროცესი გაგრძელდა, ქვედა კიდურების კუნთების სრულად განლევა მოხდება და პაციენტი ვერც დამხმარე საშუალებებით შეძლებს გადაადგილებას -  კონსილიუმის ეს დასკვნა კი იმ დოკუმენტაციას დაერთვება, რომელსაც პრეზიდენტის ადვოკატები სტრასბურგისთვის ამზადებენ.

პრეზიდენტის მძიმე დიაგნოზი - ნახეთ რუსუდან ჯაბანიშვილის რეპორტაჟში