ოპოზიციას აინტერსებს, რას აკეთებდა "ქართული ოცნება" ათი წელი, თუ ჰქონდათ მტკიცებულებები დავით კეზერაშვილის წინააღმდეგ?  

ოპოზიციონერი პოლიტიკოსები პირდაპირ ამბობენ, რომ დავით კეზერაშვილი პოლიტიკური დევნის მსხვერპლია.

"ლელოს" ერთ-ერთი ლიდერი სალომე სამადაშვილი ამბობს, რომ "ბიბისის" ჟურნალისტურ გამოძიებაზე სისხლის სამართლის საქმე მხოლოდ იმის გამო არ აღძრეს, რომ ამ თაღლითურ სქემაში ხელისუფლების მაღალჩინოსნებიც ფიგურირებენ.

"იმის ნაცვლად, რომ ქოლ-ცენტრების საქმეზე დაფიქსირდეს მზაობა, რომ მიიღონ მონაწილეობა გამოძიებაში, როგორც ჩანს, სხვა გზით აპირებენ კეზერაშვილის წინააღმდეგ დევნის გაგრძელებას. ეს ადასტურებს იმას, რასაც ჩვენ ვამბობდით, რომ არანაირი ქოლ-ცენტრების ოპერირება ჩვენს ქვეყანაში ხელისუფლების მფარველობის გარეშე შესაძლებელი არ იყო. ამიტომ, ქოლ-ცენტრებთან დაკავშირებით რეალური გამოძიების ჩატარება "ოცნებას" არ აწყობს, რადგან კვალი აუცილებლად მივა მმართველი გუნდის წარმომადგენლებთა". - ამბობს სალომე სამადაშვილი.

დავით კეზერაშვილის წინააღმდეგ საქართველომ მთავრობამ, შესაძლოა, ახალი გამოძება დაიწყოს - თავდაცვის მინისტრი ჯუანშერ ბურჭულაძე ჟურნალისტებთან სკანდალურ განცხადებას აკეთებს და ამბობს, რომ 5 მილიონი არ არის მხოლოდ ის თანხა, რომელიც თავდაცვის ყოფილმა მინისტრმა დავით კეზერაშვილმა მოპარა ჯარს და კიდევ არის ასობით მილიონი, რომლის გაძარცვაშიც მინისტრი ფაქტობრივად ბრალს კეზერაშვილს და ყოფილ ხელისუფლებას სდებს.