დადგება თუ არა ვადამდელი არჩევნების საკითხი "ნაციონალური მოძრაობის" დღის წესრიგში. მთავარ ოპოზიციურ პარტიაში ახალმა დაპირისპირებამ იფეთქა. მთავარი საარჩევნო დაპირება არ შესრულებულა და მიხეილ სააკაშვილი კვლავ პატიმრობაში რჩება - ეს არის  ბრალდებები ახალი თავმჯდომარის მიმართ. თუმცა დღეს ლევან ხაბეიშვილის გუნდს ცეცხლი კიდევ ერთი განცხადების გამო გაუხსნეს. ეს მას შემდეგ მოხდა, რაც მელიას ფლანგს პარტიიდან სუს-ის აგენტობაში დასდეს ბრალი. 

"მოვიდნენ ცენტრალურ ოფისში და აქ მიიღებენ დავალებებს რა უნდა აკეთონ" - ეს შეუთვალეს მელიას პარტიიდან. როგორც ჩანს,  ახალმა მენეჯმენტმა ნიკა მელიას დამოუკიდებელი ოფისის გახსნა არ აპატია. ჯერ ყოფილი თავმჯდომარის გუნდი სეპარატისტებად შერაცხეს, დღეს კი სუს-თან თანამშრომლობაში ამხილეს. არჩევნებიდან სამი თვის შემდეგაც მთავარ ოპოზიციურ პარტიაში ვნებათაღელვა არ ცხრება და დაპირისპირებულ მხარეებს შორის პოლიტიკური ზავი მოსალოდნელი არ არის.

დეტალები ნახეთ, ნანუკა ქაჯაიას რეპორტაჟში.