111 წლის წინ ტიტანიკი ჩაიძირა და დიდი ტრაგედია იყო, 11 წლის წინ "ოცნება“ შეიქმნა და ესეც დიდი ტრაგედია იყო - ვაშაძე
„სტრატეგია აღმაშენებლის“ თავმჯდომარე გიორგი ვაშაძე „ქართული ოცნების“ 11 წლიან მმართველობას დიდ ტრიტანიკის ტრაგედიას ადარებს.
მისივე თქმით, 11 წლის მანძილზე "ქართულმა ოცნებამ" ქვეყანაში მოიტანა კორუფცია, სიღარიბე და რუსეთი.
„სხვათა შორის, 111 წლის წინ ტიტანიკი ჩაიძირა და დიდი ტრაგედია იყო და 11 წლის წინ „ქართული ოცნება“ შეიქმნა და ესეც დიდი ტრაგედია იყო, ჩემი აზრით, საქართველოს ისტორიაში. რას ჰპირდებოდა ხალხს „ქართული ოცნება“? - სამართლიანობის აღდგენას, „კლანის“ დასრულებას, ეკონომიკურ აღმავლობას, სოფლის განვითარებას... უამრავი დაპირება ჰქონდა. არც ერთი დაპირება არ შეუსრულებია. სამი რამ გააკეთა მხოლოდ: განამტკიცა „კლანი“ და კორუფცია, მოიტანა სიღარიბე და რუსეთი. სამწუხაროდ, ასეთი გავლენა რუსეთს საქართველოში არ ჰქონია დამოუკიდებლობის მოპოვების დღიდან,“ - განაცხადა ვაშაძემ.
