საქართველოს მოსახლეობის 42% თვლის, რომ მის ინტერესებს არცერთი პოლიტიკური პარტია არ გამოხატავს - კვლევის შედეგებს საერთაშორისო რესპუბლიკური ინსტიტუტი ავრცელებს. 

კითხვაზე, არსებობს თუ არა საქართველოში ერთი პარტია მაინც, რომელიც თქვენს ინტერესებს გამოხატავს შედეგები ასე გადანაწილდა: 

•  42%  - არა
• 29%- არსებობს ერთი პარტია მაინც, რომელიც ნაწილობრივ გამოხატავს ინტერესებს
• 25% -  ერთი პარტია მაინც არის, რომელიც სრულად გამოხატავს მის ინტერესებს
• 4%- არ ვიცი, ან უარი  პასუხზე

IRI-ს კვლევის საველე სამუშაოები Polling & Marketing-მა ჩაატარა. მონაცემები შეგროვდა მთელი საქართველოს მასშტაბით 2023 წლის 4-დან 23 მარტამდე, პირისპირ ინტერვიუს მეთოდით. 

შერჩევა მოიცავდა საარჩევნო ხმის უფლებისა და ასაკის მქონე 1 500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი +/- 2.5 %-ია, ხოლო გამოპასუხების მაჩვენებელი - 74%.