ევროპარლამენტარი ვიოლა ფონ კრამონი „ქართული ოცნების“ პარტნიორ პოლიტიკურ ჯგუფს და პარტიას მიმართავს კითხვით, რამდენად სწორია საქართველოს მმართველ პარტიასთან ალიანსი და კონსერვატორთა საერთაშორისო კონფერენციაში (CPAC) საქართველოს პრემიერ-მინისტრის ირაკლი ღარიბაშვილის მონაწილეობა.

„ქართული ოცნება“ ევროპის სოციალისტური პარტიის (PES) დამკვირვებელი წევრია, რომელიც ევროპარლამენტში სოციალ-დემოკრატების პროგრესულ ალიანსშია (S&D) წარმოდგენილი.

„ნახეთ? თქვენი პარტნიორი ქართული პარტია მართავს კამპანიას სტივ ბანონის ულტრამემარჯვენე ბანაკთან  და სხვებთან ერთად უნგრეთში… დარწმუნებული ხართ, რომ ეს არის სწორი ალიანსი „პროგრესული“ პარტიისთვის?“ – წერს ვიოლა ფონ კრამონი ტვიტერზე.

საქართველოს პრემიერ-მინისტრი ირაკლი ღარიბაშვილი 4-5 მაისს უნგრეთში დაგეგმილ კონსერვატორთა საერთაშორისო კონფერენციის სპიკერებს შორისაა.