პრეზიდენტისა და პრემიერის საქმიანობის  შეფასება სტაბილურია,  პარლამენტის საქმიანობის ნეგატიური შეფასება კი ოდნავ გაიზარდა - ასეთია ეროვნულ-დემოკრატიული ინსტიტუტის (NDI) ახალი კვლევის შედეგები. 

პრეზიდენტის საქმიანობის მაჩვენებელი ასეთია:

• 17% კარგად აფასებს;
• 41% საშუალოდ;
• 28% ცუდად;
• 13% ამბობს რომ არ იცის;
• 1% უარს ამბობს პასუხზე;

აღსანიშნავია, რომ პრეზიდენტის საქმიანობის შეფასების დადებითი  მაჩვენებელი ყველაზე მაღალი ახალგაზრდებსა და ქართული ოცნების მხარდამჭერებს შორისაა. 

პრემიერის საქმიანობა გამოკითხულმა მოსახლეობამ ასე შეაფასა:

• 30% კარგად აფასებს;
• 31% საშუალოდ;
• 28% ცუდად;
• 10% ამბობს, რომ არ იცის;
• 1% უარი პასუხზე.

ამასთან, ირკვევა, რომ პრემიერის საქმიანობის შეფასების დადებითი მაჩვენებელი ყველაზე მაღალი სოფლის ტიპის დასახლებებში, 55+ ასაკის მოსახლეობასა და ქართული ოცნების მხარდამჭერებს შორისაა

პარლამენტის საქმიანობას:

• 13% კარგად აფასებს;
• 40% საშუალოდ;
• 37% ცუდად;
• 9% ამბობს არ ვიცი;
• 1% უარი პასუხზე.

 კვლევის მიხედვით, პარლამენტისადმი დამოკიდებულება პარტიულ სიმპათიებთან არის კავშირში 24 ქართული ოცნების მხარდამჭერთა უმეტესობა პარლამენტის საქმიანობას დადებითად აფასებს, ხოლო ოპოზიციის მხარდამჭერთა უმრავლესობა - უარყოფითად.

კვლევა 2023 წლის მარტში სატელეფონო გამოკითხვის მეთოდით 17-23 მარტს ჩატარდა.  კვლევა1 032 დასრულებულ ინტერვიუს მოიცავს. საშუალო ცდომილების ზღვარი +/-2%-ია (ცდომილების ზღვარი პასუხის მიხედვით იცვლება). რესპონდენტები მარტივი შემთხვევითი შერჩევის გზით - შემთხვევით ნომერზე დარეკვის მეთოდით შეირჩნენ.