უკრაინის პარლამენტში მმართველი პარტიის - ხალხის მსახურის ფრაქციის თავმჯდომარე დავით არახამია საქართველოს პრეზიდენტს, სალომე ზურაბიშვილს მადლობას უხდის. 

მისი თქმით, საქართველოს ხელისუფლებას არასდროს არ ესმის საქართველოს პრეზიდენტის სწორი რჩევები: 

რუსეთის ფედერაციასთან ფრენების აღდგენას ბოიკოტი გამოუცხადა პრეზიდენტმა ზურაბიშვილმა. სამწუხაროდ, საქართველოს ხელისუფლებას არასდროს არ ესმის პრეზიდენტის სწორი რჩევები. ჩვენ გავიგეთ და დღეს დასანქცირებულია ავიაკომპანია “ჯორჯიან ეარვეისი” და მისი მფლობელი.
მადლობა ქ-ონ სალომეს და პრეზიდენტის აპარატს. მადლობა უკრაინის უსაფრთხოების საბჭოს დროული რეაგირებისთვის"- აცხადებს არახამია. 

უკრაინის პრეზიდენტმა ვოლოდიმირ ზელენსკიმ 10 წლიანი სანქციები დააწესა ქართული ავიაკომპანია Georgian Airways-ის წინააღმდეგ, რომელმაც განაახლა პირდაპირი ფრენები რუსეთში.

პერსონალური სანქცია დაწესდა თამაზ გაიაშვილის მიმართაც.