პარლამენტმა საარჩევნო კოდექსზე პრეზიდენტის მოტივირებული შენიშვნები განიხილა და ვეტო დაძლია. თავდაპირველად კენჭი პრეზიდენტის მიერ შეთავაზებულ კანონის პროექტს ეყარა, რომელსაც მხოლოდ 22 დეპუტატმა დაუჭირა მხარი. წინააღმდეგ ხმა პარლამენტის 33 - წევრმა მისცა.

რაც შეეხება პარლამენტის მიერ სამი მოსმენით მიღებულ და პრეზიდენტის მიერ ვეტოდადებულ კანონპროექტს, ის მმართველმა პარტიამ 78-ხმით დაამტკიცა. 14-მა დეპუტატმა "ოცნების" კანონპროექტს მხარი არ დაუჭირა. 

შესაბამისად, პრეზიდენტის ნაცვლად ქვეყანაში ცესკოს თავმჯდომარეს და წევრებს პარლამენტის თავმჯდომარე შეარჩევს.

ოპოზიცია ამ ცვლილებებს აპროტესტებს, რადგან ცენტრალური საარჩევნო კომისიის დაკომპლექტება კობახიძე -ღარიბაშვილის გუნდს ერთპიროვნულად უნდა.