რუსეთის საჰაერო ტრანსპორტის ფედერალურმა სააგენტომ რუსეთის ქალაქებიდან საქართველოს მიმართულებით კვირაში 284 ავიარეისი დაუშვა. 

„ეხო კავკაზას“ ცნობით, ნებართვების უმეტესობა გაცემულია ავიაკომპანია Red Wings-ზე. Red Wings-ს ავიარეისების შესრულება სურს:

• ვლადიკავკაზიდან ბათუმის და თბილისის მიმართულებით (კვირაში შვიდი რეისი);
• ეკატერინბურგიდან ბათუმის და ქუტაისის მიმართულებით (კვირაში შვიდი რეისი);
• ჟუკოვსკიდან ბათუმის, თბილისის და ქუთაისის მიმართულებით (კვირაში შვიდი რეისი);
• ყაზანიდან ბათუმის და ქუთაისის მიმართულებით (კვირაში შვიდი რეისი);
• კრასნოდარიდან თბილისის, ბათუმის და ქუთაისის (დოკუმენტში აღნიშნულია რეისების სიხშირის სამიდან შვიდამდე გაზრდა) მიმართულებით (კვირაში შვიდი რეისი);
• მაჰაჩყალიდან ბათუმის, ქუთაისის და თბილისის მიმართულებით (კვირაში შვიდი რეისი);
• მინვოდიდან ბათუმის და თბილისის მიმართულებით (კვირაში შვიდი რეისი);
• მოსკოვიდან ბათუმის და ქუთაისის მიმართულებით (დოკუმენტში აღნიშნულია რეისების სიხშირის სამიდან შვიდამდე გაზრდა);
• ნიჟნი ნოვგოროდიდან ბათუმის ქუთაისის და თბილისის მიმართულებით (კვირაში შვიდი რეისი);
• პერმიდან ბათუმის, ქუთაისის და თბილისის მიმართულებით (კვირაში შვიდი რეისი);
• დონის როსტოვიდან ბათუმის, ქუთაისის და თბილისის მიმართულებით (კვირაში შვიდი რეისი);
• ტიუმენიდან ქუთაისის და თბილისის მიმართულებით (კვირაში შვიდი რეისი);
• უფიდან ქუთაისის და თბილსის მიმართულებით (კვირაში შვიდი რეისი);
• ჩელიაბინსკიდან ბათუმის, ქუთაისის და თბილისის მიმართულებით (კვირაში შვიდი რეისი).

ირკვევა, რომ საქართველოს მიმართულებით ფრენები შესაძლოა დაიწყოს ავიაკომპანია „როსიამ" და „იამალმა“. 

„როსიამ"-ს სოჭი-თბილისის მიმართულებით, კვირაში 7-ჯერ უნდა ფრენა, „იამალს“ ტიუმენი-თბლისი და ტიუმენი ბათუმის მიმართულებით, კვირაში ერთხელ. 

საქართველოს ხელისუფლებას ახალი რეისების შესრულების ნებართვა ჯერჯერობით არ გაუცია.

ამ დროისთვის საქართველოსა და რუსეთს შორის პირდაპირ რეისებს ავიაკომპანიები: „აზიმუტი“ და „ჯორჯიან ეარვეიზი“ ახორციელებენ.