"ვივა-მედის" კლინიკური დირექტორი კლინიკაში პოლონელი ექიმების ვიზიტის შესახებ ყვება. ზურაბ ჩხაიძის თქმით, მედიკოსებმა სააკაშვილის ბიოლოგიური ნიმუშები ორჯერ აუღეს. ერთხელ პენიტენციურთან შეუთანხმებლად, ხოლო მას შემდეგ, რაც კლინიკაში წესები განუმარტეს, ექიმებმა კვლევა ხელმეორედ, უკვე პროცედურული წესების დაცვით აიღეს. ამასთან, ზურაბ ჩხაიძე ამბობს, რომ არ იცის, სად არის ახლა ის ნიმუშები, რომელიც უცხოელმა ექიმებმა პირველ ჯერზე აიღეს.

"ვივა-მედის" კლინიკური დირექტორი ასევე პოლონელი ექიმთან დაკავშირებულ ინციდენტზეც საუბრობს. ჩხაიძის თქმით, თავად მედიკოსმა განმარტა, რომ ჩვევად აქვს, ყველაფერი ფეხსაცმელში შეინახოს. 

რამდენჯერმე ჩატარდა მათ მიერ კონსულტაცია და მერე, როგორც გავიგე, ერთ-ერთი მათი ოთახში ყოფნის დროს, მათ აუღიათ ეს ბიოლოგიური ნიმუშები. მაგრამ ბიოლოგიური ნიმუშების აღებას, მოგეხსენებათ, აქვს თავის წესი. როდესაც ეს ჩვენ გავიგეთ, ავუხსენით ამ ადამიანებს, რომ ამისთის უდნა არსებობდეს თანხმობა პენიტენციური დაწესებულების. ოფიციალურად როდესაც ნებართვა გაიცა პენიტენციური დაწესებულებიდან, ვესწრებოდით ჩვენი კლინიკის წარმომადგენლები, აღებული იქნა ეს ნიმუშები, ჩაიდო კონვერტში, დაილუქა ორ ეგზემპლარად. ერთი ეგზემპლარი დავიტოვეთ ჩვენ, მეორე ეგზემპლარი გადავეცით მათ. მე ვერ გეტყვით ძველი ნიმუშების შესახებ. ეს არის გამოძიების პრეროგატივა და დაადგინოს გამოძიებამ. ამ ადამიანმა დაწერა ამის შესახებაც  ხსნა-განმარტება. ნიმუში აიღო, მაგრამ შემდეგ უკვე, როცა უკვე ოფიციალურად, კანონიერად მოხდა ნიმუშის აღება, უნდა ჩაედო ჯიბეში, მაგრამ არ ჩაიდო ჯიბეში. მას ჩვევა აქვს, რომ ყველაფერს ინახავს ფეხსაცმელში. გატანით სხვა ნიმუში იქ არ იყო, - ამბობს ზურაბ ჩხაიძე.