სასაზღვრო პოლიციის ვერტმფრენით ცხედრები შოვიდან ონში გადაასვენეს. რამდენიმე წუთში მათ ქუთაისში, ექსპერტიზაზე გადაასვენებენ. მანამდე სოციალურ ქსელში გავრცელდა ვიდეო, სადაც მოქალაქეები ხელისუფლებას დახმარებას სთხოვდნენ და ამბობდნენ, რომ დილით ამოსვენებული ცხედრები 9 საათის შემდეგ ისევ ადგილზე იყო დასვენებული.

ადგილობრივის საუბრიდან ირკვევა, რომ ამოსვენების შემდეგ, მოქალაქეებს უთხრეს, რომ ცხედრებს ვერტმფრენით გადაასვენებდნენ, თუმცა, 9 საათის შემდეგ მიცვალებულები კვლავ სტიქიის ზონაში არიან დასვენებულები. ადგილზე სამაშველო ჯგუფები აღარ იმყოფებიან და მხოლოდ ადგილობრივები არიან. 

სტიქიის ზონაში გარდაცვლილთა რაოდენობა 11-მდე გაიზარდა. სამძებრო ოპერაცია უკვე მეორე დღეა მიმდინარეობს, 30-მდე ადამიანთან დაკავშირება ვერ ხერხდება.