კიდევ ერთი გადაწყვეტილება, რომელიც ქვეყანას შესაძლოა, მძიმე ფასი დაუჯდეს. ჩინეთთან სტრატეგიული თანამშრომლობის გაფორმებას ჩინელებისთვის უვიზო მიმოსვლის დაწესება მოყვა. ეს არის ქვეყნის საგარეო კურსის ცვლილების  ღია დეკლარირება  - ოპოზიცია იმ საფრთხეებზე ამახვილებს ყურადღებას, რაც ჩინეთთან დაახლოებას და შესაბამისად ევროპასთან დაშორებას მოჰყვება.

ოფიციალური პეკინის ინტერესებზე მორგებული შეთანხმება და გეოპოლიტიკური განაცხადი - ეს უკვე ყოფილი თავდაცვის მინისტრის შეფასებაა.  ჩვენი პარტნიორების მხრიდან არაერთი გაფრთხილების მიუხედავად ქართული ოცნება რუსულ-ჩინურ ორბიტას ირჩევს.