"ოცნების" ახალი სამიზნე ნინო ლომჯარიაა - კობახიძემ ყოფილ ომბუდსმენს ურეიტინგო „ნაცი“ ეძახა
ირაკლი კობახიძე ნინო ლომჯარიას ისევ თავს ესხმის და ამბობს, რომ პლატფორმა "საქართველოს ევროპული ორბიტის" დამფუძნებელი ოპოზიციის პროექტია.
"ქართული ოცნების" თავმჯდომარემ დღეს ოპოზიციას "დაშლილი" უწოდა. კობახიძე ამტკიცებს, რომ ენმ-ში არსებულ დაპირისპირებაში ნინო ლომჯარიაცაა ჩართული.
კონკურენცია, რომელიც, ხაბეიშვილს, ლომჯარიას და სხვებს შორის არის, შიდაპარტიული კონკურენციაა „ნაცმოძრაობის“ შიგნით, ჩვენ ამაში არ ვერევით, რატომ უნდა ჩავერიოთ, რაც მეტი იქნება შიდა დაპირისპირებები ხაბეიშვილი, სხვებიც არიან, თვითონ სააკაშვილია ამ დაპირისპირების მონაწილე, იქ არის მელია, იქ არის უგულავა, ლომჯარია, რაც მეტი იქნება მათ შორის შიდა დაპირისპირება, მით უკეთესი, მათ შიდა საქმეებში არ ჩავერევით, პირიქით, მე მგონი, ძალიან კარგია შიდა დაპირისპირებები და მაქსიმალურად თავისუფლება უნდა მივცეთ.
ოპოზიცია სუსტი კი არა, მართლა დაშლილია, მოშლილი, ჩაშლილი, ყველა სიტყვა უხდება მათ. თვითონ ლომჯარიას რომ წარმოაჩენ შუაშისტად, რასაც მათი პატრონები აკეთებენ, ეს უკვე იმაზე მიუთითებს, რომ დაგეგმვაში აბსოლუტურად უსუსურები არიან. მერე ჩვენზე ბრაზდებიან, რატომ ვიგებთ არჩევნებს, რატომ აგებენ „ნაცები“ ყოველ ჯერზე არჩევნებს. ლომჯარია რომ გამოგყავს და ამ მართლა „ნაცს“ წარმოაჩენ შუაშისტად, რა თქმა უნდა, წაგებული დარჩები. ვის უნდა წაართვას ლომჯარიამ ხმები? მაქსიმუმ, ხაბეიშვილს წაართვას. შესაბამისად, მუდმივად ცდებიან დაგეგმვაში, მერე ჩვენზე ბრაზდებიან, როცა დიდი უპირატესობით ვიგებთ არჩევნებს. რა თქმა უნდა, შემდეგ არჩევნებსაც დიდი უპირატესობით მოვიგებთ, ლომჯარია ბევრად უფრო სუსტი პროექტია, ვიდრე თავის დროზე „ლელო“ და გახარია იყო. ლომჯარია რა არის? არის ერთ-ერთი ყველაზე ურეიტინგო „ნაცი“ საქართველოში. აქედან გამომდინარე, როგორი ასეთი პროექტიც არ უნდა დააინიცირონ, დღეს ლომჯარია იქნება, ხვალ შეიძლება რომელიმე სხვა გვარი იყოს, ეს ყველაფერი წარუმატებლობისთვის არის განწირული. ქართულ საზოგადოებას უბრალოდ ვერ შეასაღებ მას „არანაცად“ და იმ ადამიანებს, რომლებიც დღეს მის გარშემო არიან შეკრებილი, ისინი არიან ჩვეულებრივი „ნაცები“, - განაცხადა კობახიძემ.
მისი თქმით, "ოპოზიციას ჭირივით ეშინია კანდიდატის სტატუსის, იმიტომ, სტატუსის მიღების შემთხვევაში "ქართული ოცნება" გამაგრდება.
