ყველა სტუდენტს, ვისაც შეჩერებულია აქვს სტატუსი გადაუხდელობის გამო, გაუნულდებათ დავალიანება - ამის შესახებ პრემიერმა ირაკლი ღარიბაშვილმა მთავრობის სხდომაზე განაცხადა.

მისი თქმით, ასეთი 30 000 სტუდენტი ჰყავს სახელმწიფოს, რომელთა საერთო დავალიანება 40 ათას ლარს შეადგენს.

"მინდა აღვნიშნო, რომ ჩვენთვის, ყველასთვის, მნიშვნელოვანი არის, ბუნებრივია, ჩვენი სტუდენტების სწავლა-განათლება, უმაღლესი სასწავლებლების რეფორმა, რომელზეც ახალი მინისტრი მუშაობს აქტიურად. მინდა შევეხო ერთ პრობლემას, რომელიც ყველას აწუხებს. ეს არის ე.წ. სტატუსშეჩერებული სტუდენტების საკითხი... დაახლოებით 30 ათასამდე სტუდენტს ფინანსური დავალიანების გამო აქვს შეჩერებული სტატუსი. ამიტომ, ჩემი გადაწყვეტილებით, ყველა ამ სტუდენტს, ვისაც შეჩერებული აქვს სტატუსი ფინანსური დავალიანების გამო, გაუნულდებათ დავალიანება. და მათ შეეძლებათ, რომ სურვილის შემთხვევაში აღიდგინონ სტატუსი და გააგრძელონ სწავლა თავიანთ უნივერსიტეტებში. ეს არის დაახლოებით 40 მილიონი ლარის დავალიანება," - აღნიშნა ღარიბაშვილმა მთავრობის სხდომაზე.