რას ნიშნავს ამერიკის შეერთებული შტატების სანქციები და რა ეკრძალება ოთარ ფარცხალაძეს. სანქციები გულისხმობს, რომ ოთარ ფარცხალაძეს ეკრძალება მიიღოს აშშ-ში რაიმე სახის ფინანსური სარგებელი, ასევე გადარიცხვა.

ასევე, ეკრძალება აშშ-ში შესვლა, ასევე აკრძალულია მასთან რაიმე ტიპის გარიგება, რაც დაეხმარება, რომ თავი აარიდოს დაკისრებულ სანქციებს.

1. ოთარ ფარცხალაძეს ეკრძალება, მიიღოს: აშშ-ში მდებარე ყველა სახის ქონება და საკუთრება ან საკუთრების წილი, რომელიც მდებარეობს აშშ-ში, ეკუთვნის ან აკონტროლებს აშშ-ის მოქალაქე, ან მომავალში ექნება ან გააკონტროლებს მას. შეუძლებელია მისთვის რამის გადახდა, ტრანსფერი და სარგებლის ნებისმიერი სხვა ფორმით გადაცემა.
2. იკრძალება სანქცირებული პირისთვის თანხის, საქონლის, ან სერვისების მიწოდება. შესაბამისად, იკრძალება მისგან თანხის, საქონლის, ან სერვისების მიღება.
3. ეკრძალება შესვლა აშშ-ის ტერიტორიაზე. გამონაკლისი დაიშვება იმ შემთხვევაში, თუ აშშ-ის სახელმწიფო მდივანი, ან საშინაო უსაფრთხოების მდივანი დაადგენს, რომ მისი ქვეყანაში შესვლა აშშ-ის ინტერესებს არ შეეწინააღმდეგება.
4. აკრძალულია ნებისმიერი გარიგება, რომელიც სანქცირებულ პირს დაეხმარება სანქციებისთვის თავის არიდებასა და დადგენილი ნორმების დარღვევაში.