რატომ არ შეუჩერა პრეზიდენტმა ჯაშუშობაში მხილებულ ყოფილ პროკურორს საქართველოს მოქალაქეობა -  ქართული ოცნების დეპუტატი, არჩილ თალაკვაძე სალომე ზურაბიშვილზე ზეწოლას არ გამორიცხავს. 

მმართველ პარტიაში ამტკიცებენ, რომ პრეზიდენტს ფარცხალაძის საკითხის დატოვებას აიძულებენ: 

ერთ კვირაში საზოგადოებამ ნახა სამი სხვადასხვა გადაწყვეტილება, ერთი ინსტიტუტის, ანუ პრეზიდენტის მხრიდან, რომელიც პრაქტიკულად, ეწინააღმდეგება ერთმანეთს. ყველას გვრჩება განცდა, რომ პრეზიდენტზე არის ზეწოლა და მას პირდაპირ სთხოვენ, რომ ეს საკითხი [ფარცხალაძისთვის საქართველოს მოქალაქეობის შენარჩუნება] დატოვოს დღის წესრიგში. დატოვოს იმ ძალებისთვის, რომელთაც სხვა საქმიანი თემები არ აქვთ. სხვა ოპონირებას ვერ ახერხებენ ხელისუფლებასთან, ამიტომ უნდათ, როგორმე თავი გაიტანონ ასეთი საკითხებით"- თქვა თალაკვაძემ.