ალან გაგლოევის მთავრობა ფარულ მოლაპარაკებებს აწარმოებს რუსეთ-საქართველოს შორის სატრანზიტო გზის მოსაწყობად. ამის შესახებ ინფორმაციას "ცხინვალის მაცნე" ავრცელებს.

როგორც გამოცემა წერს, ხელისუფლების წარმომადგენლებმა დაადგინეს, რომ სატრანზიტო გზა მიკრორაიონ "სოლნეჩნი"-ზე გაივლის.

პასუხი კითხვაზე, თუ სად მოეწყობა საბაჟო, რჩება საიდუმლო. საგუშაგოზე? მაშინ საქართველო ავტომატურად აღიარებს ჩვენს სუვერენიტეტს. როკში? - რაც ნიშნავს, რომ ვეთანხმებით ქართული მხარის განცხადებებს, რომ ჩვენ მათი ტერიტორია ვართ," - წერს გამოცემა.

სატრანზიტო გზის სავარაუდო გავლის შესახებ ვრცელი სტატია გამოაქვეყნა დე-ფაქტო სამხრეთ ოსეთის ბეჭდურმა გამოცემამ. გაზეთ "რესპუბლიკის" რედაქტორის კოჩიევის თქმით, უმჯობესია, ე.წ. ხელისუფლებამ იფიქროს, სარკინიგზო გზის გაყვანაზე, რაც უფრო უსაფრთხო იქნება.

სარედაქციო სვეტში რედაქტორი წერს, რომ ჩრდილოეთ ოსეთის დედაქალაქ ვლადიკავკაზში გაიმართა "რუსულ-ქართული ბიზნეს საბჭოს სხდომა", რომელზეც "წამოიჭრა წინადადება სამხრეთ ოსეთის გავლით გზის გახსნის შესახებ".

საინტერესოა, რომ შეხვედრაზე არ იყვნენ მიწვეული თავად სამხრეთ ოსეთის წარმომადგენლები. ამ რუსულ-ქართული ბიზნეს საბჭოს დელეგაცია, რომელშიც შედიოდნენ, კერძოდ, რუსეთის სავაჭრო-სამრეწველო პალატის ვიცე-პრეზიდენტი ვლადიმერ პოდალკო და რუსეთის ქართული დიასპორის ხელმძღვანელი დავით ცეცხლაძე, ეწვივნენ ლარსის საკონტროლო-გამშვებ პუნქტს რუსეთ-საქართველოს საზღვარზე. ცეცხლაძემ სოციალურ ქსელებში ჩრდილოეთ ოსეთში გამგზავრებამდე დაწერა, რომ მოახლოებული ვიზიტი "ისტორიულ შედეგებს მოიტანს ჩვენი ქვეყნებისთვის, ჩვენი ხალხებისთვის". აქვე დავამატოთ, რომ მიმდინარე წლის აგვისტოში, დსთ-ს ქვეყნების მეოთხე დეპარტამენტის დირექტორმა, დენის გონჩარმა განაცხადა, რომ მოსკოვი აფხაზეთისა და სამხრეთ ოსეთის გავლით ტრანზიტის დაწყების იდეას "საკმაოდ მიღწევად" მიიჩნევს.'' - წერს გაზეთის რედაქტორი ა.კოჩიევი.

ცხინვალის გაზეთ ,,რესპუბლიკის'' რედაქტორი მკითხველს ასევე ახსენებს, რომ ათ წელზე მეტია დაჟინებით საუბრობს, რომ ტრანზიტის შემთხვევაში სარკინიგზო მშენებლობა აუცილებლად უნდა იყოს განხილული.

ზოგადად, ტრანზიტის შესაძლო გახსნაზე მსჯელობისას ჩვენთვის პირველ რიგში უსაფრთხოების საკითხები უნდა დადგეს, სამხრეთ ოსეთს ქართული სპეცსამსახურები აუცილებლად გამოიყენებენ. ეს არის ფარული დაქირავება, ტერორისტული თავდასხმები, გატაცებები, რაც, სამწუხაროდ, უკვე გამოვიარეთ... და ეს არის ასევე გარემოსდაცვითი საკითხები, გარდაუვალი საცობები და ა.შ. ამიტომ, ჯერ ჩვენ თვითონ უნდა განვსაზღვროთ - რა არის ჩვენთვის უფრო მნიშვნელოვანი: შემოსავლები ხაზინაში თუ ფასიანი ქაღალდი, რომელსაც ხალხი უკვე მიეჩვია?'' - წერს რედაქცია.

ცხინვალის გაზეთ ,,რესპუბლიკის'' რედაქტორი ამბობს, რომ მშენებლობას, დაახლოებით, 2 წელი დასჭირდება.

გასაგებია, რომ ტრანზიტის საკითხი ჯერ არ არის კონკრეტულად განხილული და რუსულ-ქართული ბიზნეს საბჭოს ზემოაღნიშნული სხდომის გამართვა ერთგვარი საგამოცდო ქვაა, გამოცდა. ამიტომაც არ არიან სამხრეთ ოსეთის წარმომადგენლები. მაგრამ ჩვენ ახლა უნდა გამოვთქვათ ჩვენი პოზიცია. აშკარად და ვარიაციების გარეშე. და შეახსენეთ ამის შესახებ პერიოდულად, ნებისმიერ საიტზე. ოსეთის ჩრდილოეთისა და სამხრეთის ტერიტორია ყველაზე მოკლე და მომგებიანი მარშრუტია, რომელიც აკავშირებს სამხრეთ კავკასიას ჩრდილოეთთან და ამიტომ თავად რუსეთმა მშენებლობაზე საუბარი 2008 წლის შემდეგ დაიწყო. ისე, ვინაიდან გეოპოლიტიკური წყობა ბოლო წლებში სწრაფად იცვლება, ოსი ხალხის ოცნებაც შეიძლება ახლოს იყოს. და რომ ის ახდეს, მაინც საჭიროა ამაზე ხმამაღლა საუბარი. მაგრამ გახსოვდეთ, რომ უსაფრთხოება ყველაზე მნიშვნელოვანია ნებისმიერ შემთხვევაში," - წერს რედაქტორი.