"ერთიან ნაციონალურ მოძრაობას" უკურნებელი დემენცია გააჩნია" - ასე პასუხობს "ქართული ოცნების" წარმომადგენელი ალუდა ღუდუშაური თინა ბოკუჩავას კომენტარს, რომელმაც ახალი რუსული კანონი 2-ის კანონპროექტის ფორსირებულად მიღებას აპროტესტებს.

საქმე ეხება, შეკრებისა და მანიფესტაციების დროს დროებითი კონსტრუქციების მოწყობასთან დაკავშირებით კანონის გამკაცრებასა და ახალი ამკრძალავი ნორმების ამოქმედების შესახებ კანონპროექტის განხილვას.

ღუდუშაურის თქმით, "ნაციონალურ მოძრაობას" პოლიტიკური გვამის სუნი დიდი ხანია ასდის, რის გამოც ისინი საზოგადოებას შეურაცხყოფენ.

აქ რაზე უნდა ვილაპარაკოთ, "ნაციონალებს“ აქვთ უკურნებელი დემენცია, ესენი ყველანი დემენციით არიან შეპყრობილები, მძიმე მეტალები აქვთ, ყველაფერი აქვთ და ზოგადად, კოლექტიურ "ნაციონალურ მოძრაობას" პოლიტიკური გვამის სუნი ნამდვილად ასდის. იმაზე რომ საუბრობდნენ, გვამის სუნი ასდისო, მას შემდეგ 2 წელია გრძელდება ხალხის შეურაცხყოფა. თუ ვინმეს პოლიტიკური გვამის სუნი ასდის, ასდის "ნაციონალურ მოძრაობას", ამათი არავის ეშინია. თინა არის "ნაციონალური მოძრაობის" რეალური სახე. თავისუფალიაო, რომ ამბობენ, ხომ იცით რაც, იგივეა ესეც. გაიარა, გამოიარა, ხუთი კარები აქვს, ორი კარები აქვს წავიდეს, წამოვიდეს, ჩვენ უნდა ვაკეთოთ საქმე. აქ იმისთვის არ მოვსულვართ, რომ თინას მორალური პიედესტალიდან ვასაუბროთ რაღაცები - განაცხადა ღუდუშაურმა.

ალუდა ღუდუშაური ამბობს, რომ თინა ბოკუჩავას მორალური პედესტალიდან საუბრის უფლება არ გააჩნია, რადგან მისი "ფარჩაკი" პარტია ქართველ ხალხს ძალადობრივად ეპყრობოდა.

სირცხვილია ადამიანი ხალხის სახელით გვესაუბრებოდეს, რომელიც არის სახე იმ რეჟიმის, რომლებიც აუპატიურებდნენ, აწამებდნენ და ტკბობაში იყვნენ. მორალი წაუკითხოს საკუთარ პარტიაში ვაშაძეებს და სხვებს და იმას, ორი წელია ხან ქართული რომ ავიწყდება და ხან ფრანგული. მონებზე საუბარი არ გაგივათ. უნდა ვიყოთ მშვიდად, ეს "ფარჩაკი", ხალხის მწამებელი პარტია ვერასდროს ეღირსება ხელისუფლებაში მოსვლას - აღნიშნა ღუდუშაურმა.