14 წლის გოგოს მკვლელობაში ბრალდებულ კაცს აღკვეთის ღონისძიების სახით პატიმრობა დაუსწრებლად შეეფარდა. თელავის რაიონული სასამართლოს გადაწყვეტილება ცოტა ხნის წინ გახდა ცნობილი.

გამოძიება სისხლის სამართლის კოდექსის 11 პრიმა 109-ე მუხლით მიმდინარეობს, რაც დამამძიმებელ გარემოებაში ოჯახის წევრის მკვლელობას გულისხმობს.

საგარეჯოში 14 წლის გოგო "ქმარმა" 6 ოქტომბერს მოკლა. სკოლის მოსწავლის მკვლელს შინაგან საქმეთა სამინისტრო ვერ პოულობს. იძებნება 28 წლის კაცი, ვინც 14 წლის გოგოზე კახეთში ჯერ იძალადა და შემდეგ იარაღით მოკლა.