გახდება თუ არა სალომე ზურაბიშვილის შეწყალების აქტი მისი გასამართლების საფუძველი? - საპარლამენტო უმრავლესობის დეპუტატი, „ხალხის ძალის“ წევრი, გურამ მაჭარაშვილი ამბობს, რომ "თუ პრეზიდენტს არაფერი აქვს დაშავებული, არ უნდა ეშინოდეს".

"ნუ ღელავს"- თქვა მაჭარაშვილმა ზურაბიშვილის მისამართით და დასძინა, რომ თუ ყველა კონსტიტუციას, სასამართლოს გადაწყვეტილებას და კანონებს დაიცავს, პროკურატურა "არაფერს მოკითხავს".

თუ თქვენი ინტერესი ის არის, რამდენად ემუქრება საქართველოს პრეზიდენტს დაჭერა, მე გეტყვით - თუ მას არაფერი აქვს ჩადენილი, არაფერი დაემუქრება, მაგრამ თუ როგორც კონსტიტუცია დაარღვია და მერე იღიმებოდა იქ, კონსტიტუციამ კი კუთხეში მიაყენა, თუ ასეთი რამ აქვს გაკეთებული, არავინ არის დაცული- არც მე, არც თქვენ და არც საქართველოს პრეზიდენტი. თუ პროკურატურა ამბობს რომ კითხვის ნიშნებია, თავად გადაწყვეტენ რამდენად მაღალი კითხვის ნიშნებია, დაიწყონ დევნა თუ არ დაიწყონ სისხლის სამართლებრივი დევნა. დარწმუნებული ვარ, რომ პროკურატურა თავს ამას გაართმევს. იმედია, ახალა მაინც მოვა გონს პრეზიდენტი", - განაცხადა მაჭარაშვილმა.

სალომე ზურაბიშვილთან დაკავშირებით კითხვა ირაკლი შოთაძეს დღეს "პირველებმა " დაუსვა. ქვეყნის გენერალურმა პროკურორმა დაუდასტურა, რომ პრეზიდენტის გამოცემულ შეწყალების  აქტთან დაკავშირებით გამოძიება ახლაც გრძელდება.

საქმე 2019 წელს ზურაბიშვილის მიერ  მძიმე  დანაშაულისთვის მსჯავრდადებული პირების ციხიდან  გათავისუფლებას ეხება.