"ქართული ოცნება" ამტკიცებს, რომ ოკუპანტების ტყვეობაში მყოფი მოქალაქის, ირაკლი ბებუას გათავისუფლებისთვის ყველაფერი კეთდება. 

"საკითხი არის რთული", - თქვა ირაკლი კობახიძემ თემის კომენტირებისას. 

მთელი ამ პერიოდის განმავლობაში, რა თქმა უნდა, ხელისუფლება ბოლომდე არის ჩართული ამ საკითხში, თუმცა საკითხი არის ურთულესი, საკითხი არის რთული. პრაქტიკულად, ყველა სხვა შემთხვევაში მოხერხდა შედეგის მიღწევა, თუმცა ეს არის ის შემთხვევა, სადაც ხელისუფლებისთვის შედეგის მიღწევა რთულია. რა თქმა უნდა, ხელისუფლება ძალისხმევას არ მოაკლებს იმას, რომ აქ შედეგი მივიღოთ. კიდევ ერთხელ ვამბობ, რაც შეეხება ბებუას გათავისუფლებას, ყველაფერი კეთდება იმისთვის, რომ ეს შედეგი დადგეს. თუმცა საკითხი არის რთული“,- განაცხადა კობახიძემ.