"არის თუ არა რამე, რაც დაგვშლის და შეგვაფერხებს, მგონი აღარ დარჩათ ამათ ბერკეტები - ყველა ტყუილი უკვე ითქვა, ყველა, ვინც დასაჭერი ჰყავდათ ჩემი ჩათვლით, დაიჭირეს, საქართველო ძალიან მძიმე მდგომარეობაშია," - ამ სიტყვებით მიმართა მოსახლეობას საქართველოს მესამე პრეზიდენტმა სასამართლო სხდომიდან, სადაც დისტანციურად "ვივამედიდან" ერთვება.

მიხეილ სააკაშვილი ამბობს, რომ ხელისუფლებამ დაშინების, დაკავებების და საზოგადოებაზე გავლენის მოპოვების ყველა ბერკეტი უკვე გამოიყენა და ახალი აღარაფერი აქვთ. სააკაშვილი მოსახლეობას იმ საფრთხეს შეახსენებს, რაც ოკუპანტი ქვეყნიდან მომდინარებს, როგორც სააკაშვილი ამბობს, ცივილიზებული მსოფლიო ხედავს, რომ რუსეთის ინტერესია საქართველოს დამორჩილება. 

არის თუ არა რამე, რაც დაგვშლის და შეგვაფერხებს, მგონი აღარ დარჩათ ამათ ბერკეტები - ყველა ტყუილი უკვე ითქვა, ყველა, ვინც დასაჭერი ჰყავდათ ჩემი ჩათვლით, დაიჭირეს, ვინც დასაშინებელი ჰყავდათ, შეეცადნენ დაეშინებინათ. საქართველო ძალიან მძიმე მდგომარეობაშია. თუ ოდნავ მაინც მოიცალა რუსეთმა ორ წუთში გადასანსლავს საქართველოს, არ დაახამხამებს თვალს და ის რომ ეს აქვთ განზრახვაში, ამაში აღარავის ეპარება ეჭვი. ამიტომ ეს რომ არ მოხდეს, ქართველმა ხალხმა უნდა დაიბრუნოს ძალაუფლება და აიღოს თავის ხელში, წინააღმდეგ შემთხვევაში, იმიტომ, რომ განვითარების არ ქონის და „პრახადნოი დვორად“ ვაქციეთ ქვეყანა - ამ პირობებში, ძალიან დიდი საფრთხის წინაშე იმყოფება ჩვენი ქვეყანა, ამას გვერდიდან ვერ შევხედავდი,“ - ამბობს სააკაშვილი.