დავითაშვილი დამოუკიდებლად ვერ გადაწყვეტდა, რომ პუტინის გამოსვლისას დარბაზში ყოფილიყო - აქუბარდია
თეონა აქუბარდია ამბობს, რომ ვიცე პრემიერი ლევან დავითაშვილი დამოუკიდებლად ვერ გადაწყვეტდა, რომ პუტინის გამოსვლისას დარბაზში ყოფილიყო.
აქუბარდიას თქმით, ეს არა მხოლოდ ეკონომიკის მინისტრის, არამედ პრემიერის და მთლიანად მთავრობის პასუხისმგებლობაა.
პირველ რიგში, ეკონომიკის მინისტრისგან მოვითხოვ, განმარტოს, ნამდვილად იყო თუ არა იგი დარბაზში და თუ ის იყო, ეს არ არის მხოლოდ ეკონომიკის მინისტრის პასუხისმგებლობა, ეს არის პრემიერ ღარიბაშვილის და მთლიანად მთავრობის პასუხისმგებლობა, რადგან ბატონი დავითაშვილი დამოუკიდებლად ვერ გადაწყვეტდა, რომ ოკუპანტი სახელმწიფოს ლიდერის გამოსვლისას ის დარბაზში ყოფილიყო. აქ ელემენტარულ ღირსებაზეა საუბარი, რომ უნდა ამდგარიყო და გამოსული დარბაზიდან". - ამბობს აქუბარდია.
18 ოქტომბერს ჩინეთში გამართული სარტყლისა და გზის ფორუმის ფარგლებში გამართულ ბანკეტს რუსეთის პრეზიდენტ ვლადიმერ პუტინთან ერთად საქართველოს ეკონომიკის მინისტრი ლევან დავითაშვილიც დაესწრო.
ჩანაწერებიდან ირკვევა, რომ დავითაშვილი საქართველოს ელჩთან, არჩილ კალანდიასთან ერთად პუტინის სიტყვის გამოსვლასაც დაესწრო.
ვლადიმერ პუტინის გარდა შეხვედრას საგარეო საქმეთა მინისტრი სერგეი ლავროვი და კრემლის სპიკერი დმიტრი პესკოვიც ესწრებოდნენ.
მსგავსი სიახლეები
"ოცნება ცდებს ატარებს არა საკუთარ, არამედ სხვის შვილებზე"- ნიკა ჩერქეზიშვილი
ნიკა ჩერქეზიშვილი: სასკოლო ფორმის 1 კომპლექტის ღირებულება 95 ლარი იქნება, მშობლებს მინიმუმ 2 კომპლექტის შეძენა მოუწევთ, რაც დამატებით 200 ლარის ხარჯს ნიშნავს, მრავალშვილიანი ოჯახებისთვის კი ფინანსური ტვირთი კიდევ უფრო მძიმე იქნება
