ნიკა მელიას ახალ მენეჯმენტთან კითხვა აქვს და აინტერესებს,  კონკრეტულად რა საქმეზეა "ნაციონალური მოძრაობა" დღეს პარლამენტში.

ენმ-ს ყოფილი თავმჯდომარე სოციალურ ქსელში გავრცელებულ განცხადებაში ყველაზე დიდი ოპოზიციური პარტიის ახალი მენეჯმენტისგან კითხვებზე პასუხებს ითხოვს.

მინდა ოპოზიციას, კონკრეტულად კი, ნაციონალური მოძრაობის ე.წ. მენეჯმენტს დავუსვა კითხვა, რომელიც ლეგიტიმურად აქვს ხალხს, აინტერესებთ პარტიის მხარდამჭერებს:
კონკრეტულად რა საქმეზეა ნაციონალური მოძრაობა დღეს პარლამენტში;
1. იმის ფონზე რომ, არ შედგა არავითარი მუშაობა 12 პუნქტთან დაკავშირებით, 12 პუნქტიდან შესრულებულია მხოლოდ სამი, ევროკომისიის დასკვნა კი ერთ კვირაში იქნება, ანუ ამ მიმართულებით არაფერი გაკეთებულა და ვერაფერი გაკეთდება - ვაიძულებთ ხელისუფლებას შეასრულოს რეკომენდაციები, ანუ იძულებითი დემოკრატიზაციის მცდელობა არ გამოვიდა.
2. 2023 წლის იანვრიდან, პარლამენტარებს აეკრძალათ სააკაშვილთან შესვლა. შესაბამისად, არც ამ უფლების გამოყენებისთვის ხართ მანდ.
3. ოპოზიციას, 50 ხმის არსებობის შემთხვევაში, აქვს კომისიის შექმნის უფლება - ვხედავთ, ამასაც არ გაყენებინებენ. 
ანუ გამოდის პარლამენტში გიწევთ ერთადერთ ფუნქციის შესრულება - პარლამენტის შელამაზება ქართულ ოცნებისთვის. 
მესმის ხელფასი, მანქანა, ბენზინი და სხვა პრივილეგიები, მაგრამ არ ღირს ეს ყველაფერი  ოცნების პარლამენტის გაკეთილშობილების მცდელობად.
"უცხოელები გვთხოვენ, ვიყოთ აქ" - არგუმენტი არ მიიღება, რას გთხოვენ, უფლებამოსილებას არ გაყენებინებენ, მაგრამ არაუშავს, აქ ისხედით მაინცო?
კითხვა რიტორიკულია, თუმცა პასუხებს სიამოვნებით მოვისმენ...".- წერს მელია.