"ვითომ ლანძღავს ნაცმოძრაობას, მაგრამ ვხედავთ, რომ მასთან პოლიტიკურ ქორწინებაშია, ხალხი ამჩნევს - ფიცი მწამს, ბოლო მაკვირვებს," - ეს განცხადება საპარლამენტო უმრავლესობის წევრმა გურამ მაჭარაშვილმა გახარიას პარტიაში განვითარებული მოვლენების შეფასებისას გააკეთა.

როგორც მაჭარაშვილი ამბობს, გახარიას გუნდი ენმ-სთან თანამშრომლობს და ეს საზოგადოებისთვის აშკარაა.

ვამბობდით, რომ გახარიას გუნდს პოლიტიკური მომავალი არ ჰქონდა იმ მარტივი მიზეზის გამო, რომ ადამიანი იყო ხელისუფლებაში უმაღლეს თანამდებობაზე და კითხვებზე პასუხები - თუ რატომ წამოვიდა, დღეს არ მოსწონს ის, რაც ადრე მოსწონდა, არ არსებობს ამ კითხვებზე. ვითომ ლანძღავს ნაცმოძრაობას, მაგრამ ვხედავთ, რომ მასთან პოლიტიკურ ქორწინებაშია, ხალხი ამჩნევს - ფიცი მწამს, ბოლო მაკვირვებს,“ - ამბობს მაჭარაშვილი.

ბათუმის საკრებულოში პარტია „საქართველოსთვის“ ყოფილი წევრი ნატალია ძიძიგური, ყოფილ თანაპარტიელებს ბერდია სიჭინავას და შალვა კერესელიძეს ზეწოლაში ადანაშაულებს. ამასთან როგორც ძიძიგური აცხადებს, „ამხელა ზეწოლა გიორგი გახარიას გარეშე არ ხდება“.